Чинопоследование на светата Псалмокатара

По долу следва изложение на обреда "Псалмокатара" - проклятие с псалми, известен още и като "Съд Божи". Обреда често е бил изпълняван в гръцката и руска православни църки. Това е варианта на църковнославянски изпълняван в Русия.

_______________________________________________________________________________________________

След края на литургията седем свещеници застават в средата на храма ( с дрехи облечени на обратно и размененени лява и дясна обувки на краката ). На масата се поставя блюдо с оцет, около него се запалват седем свещи от смола ( черни ). В блюдото се поставя къс негасена вар с обема на яйце.

Свeщеник: Благословен Бог наш, всегда, ныне и присно, и во веки веков.

Четец: Аминь. Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Безсмертный, помилуй нас. (чете се три пъти с кръстно знамение и поясен поклон).

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Три пъти) Слава Отцу, и Сыну, и Святому Духу и ныне, и присно, и во веки веков. Аминь.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Свeщеник: Яко Твое есть Царство и сила и слава, Отца и Сына и Святаго Духа,
ныне и присно и во веки веков.
Четец: Аминь. Господи помилуй. (12 пъти ) Слава Отцу, и Сыну, и Святому Духу и ныне, и присно, и во веки веков. Приидите поклонимся.

( Всяко от 7-те псалмочетения се прави от отделен свещеник. )

1 четене
Суди, Господи, обидящыя мя, побори борющыя мя. Приими оружие и щитъ, и востани в помощь мою. Изсуни мечь, и заключи сопротивъ гонящихъ мя. Рцы души моей: спасение твое есмь Азъ. Да постыдятся и посрамятся ищущии душу мою, да возвратятся вспять и постыдятся мыслящии ми злая. Да будутъ яко прахъ предъ лицемъ ветра, и Ангелъ Господень оскорбляя ихъ. Да будетъ путь их тма и ползокъ, и Ангелъ Господень погоняя ихъ: яко туне скрыша ми пагубу сети своея, всуе поносиша души моей. Да приидетъ ему сеть, юже не весть, и ловитва, юже скры, да объиметъ и, и въ сеть да впадетъ въ ню. Душа же моя возрадуется о Господе, возвеселится о спасении Его.

След всяко псалмочетене се чете тропара на Юда

Днесь Иуда оставляетъ Учителя и приемлетъ диавола, ослепляется страстию сребролюбия, отпадаетъ света омраченный. Како бо можаше зрети, Светило продавый на тридесятихъ сребреницех? Но намъ возсия Страдавый за миръ, к Немуже возопиимъ: пострадавый и сострадавый человекомъ, Господи, слава Тебе. Днесь Иуда притворяетъ благочестие и отчуждается дарования, сый ученикъ бываетъ предатель; во обычномъ лобзании лесть покрываетъ, и предпочитаетъ Владычния любве, несмысленно работати сребролюбию, наставникъ бывъ соборища беззаконнаго; мы же имуще спасение Христа, Того прославимъ.
Една от свещите се хвърля в блюдото за да изгасне, също и другите подред след всяко четене.

2 четене
Вся кости моя рекутъ: Господи, Господи, кто подобенъ Тебе? Избавляяй нища из руки крепльшихъ его, и нища, и убога отъ расхищающихъ его. Воставше на мя свидетеле неправеднии, яже не ведех, вопрошаху мя. Воздаша ми лукавая воз благая, и безчадие души моей. Азъ же, внегда они стужаху ми, облачахся во вретище, и смиряхъ постомъ душу мою, и молитва моя в недро мое возвратится. Яко ближнему, яко брату нашему, тако угождахъ, яко плача и сетуя, тако смиряхся. И на мя возвеселишася и собрашася: собрашася на мя раны, и не познахъ, разделишася, и не умилишася. Искусиша мя, подражниша мя подражнениемъ, поскрежеташа на мя зубы своими. Господи, когда узриши? Устрой душу мою от злодейства ихъ, отъ левъ единородную мою. Исповемся Тебе въ церкви мнозе, въ людехъ тяжцехъ восхвалю Тя.

Тропар на Юда: Днесь Иуда...

3 четене
Да не возрадуются о мне враждующии ми неправедно, ненавидящии мя туне и помизающии очима. Яко мне убо мирная глаголаху и на гневъ лести помышляху. Разшириша на мя уста своя, реша: благоже, благоже, видеша очи наши. Виделъ еси, Господи, да не премолчиши. Господи, не отступи от мене. Востани, Господи, и вонми суду моему, Боже мой и Господи мой, на прю мою. Суди ми, Господи, по правде Твоей, Господи Боже мой, и да не возрадуются о мне. Да не рекутъ въ сердцахъ своихъ: благоже, благоже души нашей, ниже да рекутъ: пожрохомъ его. Да постыдятся и посрамятся вкупе радующиися зломъ моимъ, да облекутся в студъ и срамъ велеречующии на мя. Да возрадуются и возвеселятся хотящии правды моея, и да рекутъ выну: да возвеличится Господь, хотящии мира рабу Его. И язык мой поучится правде Твоей, весь день хвале Твоей.

Тропар на Юда: Днесь Иуда...

4 четене
Боже, хвалы моея не премолчи, яко уста грешнича и уста льстиваго на мя отверзошася, глаголаша на мя языком льстивымъ, и словеси ненавистными обыдоша мя, и брашася со мною туне. Вместо еже любити мя, оболгаху мя, аз же моляхся, и положиша на мя злая за благая, и ненависть за возлюбление мое. Постави на него грешника, и диаволъ да станетъ одесную его. Внегда судитися ему, да изыдетъ осужденъ, и молитва его да будетъ въ грехъ. Да будутъ дние его мали, и епископство его да прииметъ ин: да будутъ сынове его сири, и жена его вдова: движущеся да преселятся сынове его и воспросятъ, да изгнани будутъ изъ домовъ своихъ. Да взыщетъ заимодавецъ вся, елика суть его, и да восхитятъ чуждии труды его. Да не будетъ ему заступника, ниже да будетъ ущедряяй сироты его.

Тропар на Юда: Днесь Иуда...

5 четене
Да будутъ чада его в погубление, в роде едином да потребится имя его. Да воспомянется беззаконие отецъ его предъ Господемъ, и грехъ матере его да не очистится. Да будутъ предъ Господемъ выну и да потребится от земли память ихъ. Занеже не помяну сотворити милость, и погна человека нища и убога, и умилена сердцемъ умертвити. И возлюби клятву, и приидетъ ему, и не восхоте благословения, и удалится от него. И облечеся въ клятву яко в ризу, и вниде яко вода во утробу его, и яко елей въ кости его. Да будетъ ему яко риза, в нюже облачится, и яко поясъ, имже выну опоясуется. Сие дело оболгающихъ мя у Господа и глаголющихъ лукавая на душу мою. И ты, Господи, Господи, сотвори со мною имене ради Твоего, яко блага милость Твоя. Избави мя, яко нищъ и убогъ есмь азъ, и сердце мое смятеся внутрь мене.

Тропар на Юда: Днесь Иуда...

6 четене
Яко сень, внегда уклонитися ей, отъяхся, стрясохся яко прузи. Колена моя изнемогоста от поста, и плоть моя изменися елеа ради. И азъ быхъ поношение имъ, видеша мя, покиваша главами своими. Помози ми, Господи Боже мой, и спаси мя по милости Твоей, и да разумеютъ, яко рука Твоя сия, и Ты, Господи, сотворил еси ю. Прокленутъ тии, и Ты благословиши, востающии на мя да постыдятся, раб же Твой возвеселится. Да облекутся оболгающии мя в срамоту, и одеждутся, яко одеждею, студомъ своимъ. Исповемся Господеви зело усты моими, и посреде многихъ восхвалю Его, яко предста одесную убогаго, еже спасти от гонящихъ душу мою.
Изми мя, Господи, от человека лукава, от мужа неправедна избави мя, иже помыслиша неправду в сердце, весь день ополчаху брани, изостриша язык свой, яко змиин, ядъ аспидовъ подъ устнами ихъ. Сохрани мя, Господи, из руки грешничи, отъ человек неправедных изми мя, иже помыслиша запяти стопы моя.

Тропар на Юда: Днесь Иуда...

7 четене
Скрыша гордии сеть мне, и ужы препяша сеть ногама моима. При стези соблазны положиша ми. Рехъ Господеви: Богъ мои еси Ты, внуши, Господи, глас моления моего. Господи, Господи, сило спасения моего, осенилъ еси над главою моею в день брани. Не предаждь мене, Господи, от желания моего грешнику: помыслиша на мя, не остави мене, да не когда вознесутся. Глава окружения ихъ, трудъ устенъ ихъ покрыетъ я. Падутъ на нихъ углия огненная, низложиши я в страстехъ, и не постоятъ. Мужъ языченъ не исправится на земли: мужа неправедна злая уловятъ во истление. Познахъ, яко сотворитъ Господь судъ нищымъ и месть убогимъ. Обаче праведнии исповедятся Имени Твоему, и вселятся правии с лицемъ Твоимъ.

Тропар на Юда: Днесь Иуда...

След седемте четения се чете молитвата:

Владыко всевидче, блаженное Божество, неусыпающее око, ведый вся тайная и испытуяй утробы и познаваяй сердца, внемли, Господи, всякому слову устъ нашихъ, каковыя съ болью ныне приносимъ Тебе и преклонись гласу моления нашего, яко Ты еси царь и Богъ нашъ. И къ Тебе молимся и Тя умоляемъ, яко благий и благопослушествующий и отомститель всемъ обиженнымъ отъ невидимыхъ враговъ, ибо не приселится къ Тебе лукавнуяй, ниже беззаконницы пребудутъ предъ очима твоима; возненавиделъ еси вся делающыя беззаконие и погубиши вся глаголющия лжу; гнушается Господь мужа кровей и льстива, яко несть истины во устехъ ихъ, ибо сердце ихъ суетно. Гробъ отверстъ гортань ихъ, и язык ихъ преисполненъ всякого коварства. Посему и молю Тя, многомилостиве, да отпадутъ они отъ мыслей своихъ: по множеству нечестия ихъ изрини ихъ, и да возвеселяться вси уповающии на Тя. И не премолчи, ниже укроти, Боже нашъ, ибо творящии беззаконие, и на люди Твои луковноваша, волею на народ Твой, и совещаша ему погубление; и сотвори имъ яко Мадиаму и Сисаре, и да будутъ яко гной земный; и положи ихъ яко коло, вечно вертящееся и колеблющееся, яко трость пред лицеемъ ветра; и яко огнь попалиши ихъ и яко пламень пожжеши и обратиши ихъ в пепелъ; и пожени ихъ зело бурею, и смути ихъ гневом Твоим, и исполни лица ихъ безчестия: да постыдятся, и да будут потоплены, и да изыдутъ осужденными. И да будутъ дни ихъ мали и богатства ихъ да приметъ инъ; и да будутъ сынове ихъ сиры и жены ихъ вдовы, и да изгнаны будутъ изъ домовъ своихъ. И да восхитятъ чуждии труды ихъ, и да не будетъ имъ заступника, и да будутъ чада ихъ в погубление. И да потребится имя ихъ отъ книги живыхъ, и да потребится отъ земли память ихъ, занеже погна человека, и нища, и убога, умертвити его, и возлюбиша клятву.
Отче Вседержителю, удали благословение Твое отъ нихъ и облачи ихъ клятвою яко ризою: да внидетъ яко вода во утробы ихъ и яко елей въ кости ихъ. И да будутъ они обличены срамотою и одеты студомъ ихъ. И изми насъ, Господи, человека лукава. И падутъ на нихъ угли огненные, и низложиши ихъ. Блесни молнию и разженеши ихъ. И суди, Господи, борющаго ны и побори обидящия ны, яко да побораются отъ насъ; изсуни мечъ и сотри ихъ за противления ихъ. Да будут яко прахъ предъ лицемъ ветра, и Ангелъ Господень погоняяй ихъ. Да приидетъ имъ сеть юже не весть, и да обимутся въ сеть ихъ, да внидутъ в ню, не ловитва юже скры, да обыметъ ихъ. Да облекутся в студъ и срамъ лукавнующие злая противъ ближнихъ ихъ и замышляющия беззаконие свое отнять достояние другихъ. Яко трава скоро да изсохнутъ, и еще мало и не будетъ грешника, и взыщется место его и не будетъ обретенъ. И мечъ, который привлекаютъ такъ, отъ Господа поразити ихъ неправедныхъ да внидет имъ в утробы ихъ, и да сокрушатся. Яко исчезаетъ дымъ да исчезнутъ и мимо прейдяху, и не обрящется место ихъ, и все беззаконницы потребятся на немъ. И аще не обратятся очистить оружие свое, Господь Бог лукъ Свой напряжетъ и уготовитъ ихъ смерти, ибо се болеша неправдою, и зачаша беззаконие, и родиша болезнь. Ровъ тако изрыша и впадутъ въ яму, юже соделаша. Да обратится болезнь ихъ на главу ихъ, и на верхъ ихъ неправда ихъ снидетъ. И даждь имъ, Господи, по деломъ ихъ, и по лукавству начинаний ихъ, и по деломъ руку ихъ даждь имъ, такъ какъ злая в сердцахъ ихъ и въ мысляхъ ихъ. И во обличенияхъ о беззаконии ихъ накажи ихъ, и истай яко паучину душу ихъ. Услыши молитву нашу, внуши и слезъ нашихъ не премолчи. Да постыдятся, и возвратятся вспять ищущие похищения, и да удержатся отъ стяжания стыдомъ ихъ, беззаконная неправда весь день помышляется бо ими. И яко бритву изощренну возлюбиша злобу паче благостыни, пресели ихъ отъ селения ихъ и корень ихъ исторгни отъ земли живыхъ. И посмейся, и уничижи ихъ, ибо въ сердце своемъ беззакония творятъ, неправдою руки ихъ исполнены, ибо заблудиша отъ чрева матери своея, глаголаша лжу. Боже, сокруши зубы ихъ во устехъ ихъ и уничижи ихъ, яко воду мимотекущую, и яко воскъ растаявъ да истребятся; и огнь съ неба да падетъ на нихъ, и да пожретъ ихъ; и тьма, и буря да покрыетъ ихъ, и да не увидятъ солнца. И земля да поглотитъ ихъ на поношение и поругание. И да не ущедриши вся делающия беззакония, яко возвратятся на вечеръ и взалчутъ яко песъ, и да осмеются, и да поругаются отъ всехъ. И расточи ихъ силою Твоею, Боже наш, во гневе кончины, и да не будутъ. Мы же воспоемъ силу Твою и возрадуемся заутра о милости Твоей, яко былъ еси заступникъ и прибежище наше въ день скорби нашея. И Тебе поемъ и воспоемъ силы Твоя, яко Тебе подобаетъ хвала, и Тебе славу возсылаемъ Отцу и Сыну и Святому Духу, ныне и присно и во веки вековъ. Аминь.

След края на молитвата блюдото със сместа се обръща. Веднага се чете отлъчване.

Во имя Отца и Сына и Святаго Духа, Бога Вседержителя, Живоначальной Троицы, одного и единаго Бога.
Имеемъ ихъ (имена рекъ) отлученными, и да будетъ часть ихъ съ Иудою предателемъ, предавшимъ Господа нашего Иисуса Христа иудеямъ. Имеемъ ихъ отлученными отъ иже во святыхъ отецъ нашихъ Василия Великаго, Григория Богослова и Иоанна Златоустаго, Николая Мирликойскаго, и всехъ святыхъ иерарховъ. Имеемъ ихъ отлученными отъ святыхъ пророковъ Илии и Елисея. Имеемъ ихъ отлученными отъ блаженныхъ отецъ нашихъ Антония, Евфимия, Харитона и Саввы и всехъ святыхъ отецъ. Имеемъ ихъ отлученными от вселенскаго патриарха (имя рекъ)и отъ святейшаго патриарха (имя рекъ), и отъ всехъ митрополитовъ, епископовъ, иереевъ, монаховъ, диаконовъ и иподиаконовъ, и клириковъ и мирянъ, и отъ всехъ православныхъ христианъ.
Да будутъ они во вся лета жизни ихъ на земле, страдая и трясясь, какъ Каинъ. Да будетъ путь ихъ тьмою и падениемъ, и Ангелъ Господень поразитъ ихъ мечемъ огненнымъ. И какъ въ земле Мадиамской не обрящется зеленаго побега, такъ и въ жилищахъ ихъ да не будетъ обретенъ благой день, но да будетъ имущество ихъ, и все что имеютъ, и что сделаютъ во всяческую погибель, какъ Ориву, Зиву, и Зевею, и Салману. И диаволъ да станетъ одесную ихъ, и внегда судитися имъ да изыдутъ осужденны. Да будутъ сынове ихъ сиры и жены ихъ вдовы. Да будутъ чада ихъ въ погубление, и въ роде единомъ да потребятся имена ихъ. Ибо возлюбили клятву, и приидетъ имъ; и не восхотели благословения, и удалится отъ нихъ. И облекутся въ клятву яко въ ризу, и внидетъ яко вода во утробы ихъ. И какъ распалась башня Силоамская и погребла тридцать тысячъ мужей, такъ да исчезнутъ имена ихъ отъ земли живыхъ; и да получатъ въ уделъ проказу Гиезия; и да будетъ часть ихъ с Иудою и произнесшимъ «возьми, возьми, распни Его!». Да нападетъ на нихъ страхъ и трепетъ и всякая болезнь! Слыши, небо, и восплачь! Внемли, земля, и трепещи! И да имеетъ проклятие и мною грешнымъ, прочетшимъ эту катару, отъ предняго имъ до задняго, отъ десныхъ имъ до ошуий ихъ. И Ты, Господи, скорый на осуждение неправдующихъ, дай оправдание молению моему и суду моему, грешнаго раба Твоего, да славимъ Тя во веки. Аминь.

Дякон: Премудрость.

Свeщеник: Пресвятая Богородица, спаси нас!

Хор ( Лик ) : Величит душа Моя Господа, и возрадовася дух Мой о Бозе Спасе Моем.
Честнейшую херувим и славнейшую без сравнения серафим, без истления Бога Слова рождшую, сущую Богородицу, Тя величаем.
Яко призре на смирение рабы Своея, се бо от ныне ублажат Мя вси роди.
Честнейшую херувим...
Яко сотвори Мне величие Сильный, и свято имя Его, и милость Его в роды родов боящимся Его.
Честнейшую херувим...
Сотвори державу мышцею Своею, расточи гордыя мыслию сердца их.
Честнейшую херувим...
Низложи сильныя со престол, и вознесе смиренныя; алчущия исполни благ, и богатящияся отпусти тщи.
Честнейшую херувим...
Восприя?т Израиля отрока Своего, помянути милости, якоже глагола ко отцем нашим, Аврааму и семени его даже до века.
Честнейшую херувим...

Свeщеник: Слава Тебе, Христе Боже, Надежда наша, слава Тебе.

Хор ( Лик ): Слава Отцу, и Сыну, и Святому Духу и ныне, и присно, и во веки веков. Господи, помилуй. ( три пъти ) Благослови.

Свeщеник: Христос истинный Бог наш, молитвами Пречистыя Своея Матери, преподобныхъ и богоносныхъ отецъ нашихъ и всехъ святыхъ помилуетъ и спасетъ насъ яко благъ и человеколюбецъ.

След приключването на обреда блюдото се изнася навън и се разбива нещадно.